ઇનોવેશન ઇન એજયુકેશન KRP તાલીમ

જી.સી.ઇ.આર.ટી. ગાંધીનગર આયોજિત સાથે નયારા એનર્જી લિમિટેડ અને આઇ ટુ વી ડેવલોપમેન્ટ ફાઉન્ડેશનના  સંયુક્ત પ્રયાસોથી ચાલતા નવતર - એ સેન્ટર ફોર ઇનોવેશન ઇન એજ્યુકેશન અંતર્ગત રાજ્યના જિલ્લાવાર કી રિસોર્સ પર્સન(KRP)  ની બે દિવસીય તાલીમનું આયોજન લોકભારતી ગ્રામવિદ્યાપીઠ, સણોસરા તા.સિહોર જિ.ભાવનગર ખાતે તા. 20.08.2019 થી 22.08.2019 દરમિયાન યોજવામાં આવી.    

      જેમાંં જિલ્લા શિક્ષણ અને તાલીમ ભવન સંતરામપુર દ્વારા પંચમહાલ જિલ્લા માટે  કિરણસિંહ ઝવરસિંહ ચાવડાની પસંદગી કરવામાં આવી હતી.   તા. 20.09.2019 ના રોજ તાલીમ માટે મુસાફરી કરવામાં આવી જેમાં સાથે દાહોદ જિલ્લામાંથી મિરલ શેઠ, છોટાઉદેપુર જિલ્લામાંથી કેશરસિંહ રાઠવા, વડોદરા જિલ્લામાંથી તુષાર સોની અને મહિસાગર જિલ્લામાંથી શૈલેશભાઇ પટેલ પણ જોડાયા. 20.09.2019 ના રોજ રાત્રિ રજિસ્ટ્રેશન પ્રક્રિયા પૂર્ણ કરી ભોજન લેવામાં આવ્યું. ત્યારબાદ રાત્રિ સેશન દરમિયાન પાર્થિવભાઇ તરફથી https://www.gapminder.org/  વેબસાઇટની મદદથી વિશ્વના દેશોની અલગ અલગ પાસામાં સરખામણી કરીને સુંદર માર્ગદર્શન આપવામાં આવ્યુ.

        લોકભારતી સંસ્થા વિશે વાત કરીએ તો નાનાભાઇ ભટ્ટ દ્વારા શરૂ કરેલ આ સંસ્થા આજે વિશાળ થઇ ગયેલ છે. અને તેનું અયોજન,સ્વચ્છતા, અને કુદરતી સાનિધ્યમાં અને કુદરતી સંશાધનોની જાળવણી મન મોહી લે તેવી છે. સંસ્થાના પરિસરમાં આવેલ તમામ બાંધકામ મૂકેલ તમામ વસ્તુઓ, બાગ બગીચા, વૃક્ષો શિલ્પો દરેકમાંથી કાંઇક ને કાંઇક શીખવા મળે છે. અહીંં અભ્યાસ કરતા બાળકોમાં વિવેક અને શિષ્ત પણ જોવા મળ્યું. 

      બે દિવસીય તાલીમ દરમિયાન આઇ ટુ વી ફાઉન્ડેશનમાથી પાર્થ તેરૈયા દ્વારા ટેકનિકલી માર્ગદર્શન જેમાં http://gcertnavtar.in/  વેબસાઈટ નુું માર્ગદર્શન આપવામાં  આવ્યુંં. તેમજ તે સંસ્થામાંથી આવેલ અમૃતાબેન બધેકા દ્વારા જરૂરી માર્ગદર્શન આપવામાં આવ્યું. આ ઉપરાંત મહેન્દ્રભાઇ ચોટલીયા સાહેબ દ્વારા બે દિવસમાં શિક્ષણ પ્રક્રિયા, પેડાગોજી, ભાષા અર્થગ્રહણ અને શિક્ષણમાં ઇનોવેશન એટલે શું? તેના વિશે સુંદર અને સચોટ માર્ગદર્શન કરવામાં આવ્યું તેમજ ભાષા વ્યવહાર અને વર્ગને જીવંત કઇ રીતે બનાવી શકાય તેનું માર્ગદર્શન પ્રાયોગિક રીતે આપવામાં આવ્યું.   

  આ ઉપરાંંત ભાવનગર જિલ્લાના રાજપરા સ્થિત પ્રખ્યાત મા ખોડિયાર મંદિરના દર્શન કરી આશિર્વાદ લેવામાં આવ્યા. ઉપરાંત સાંઢેડા મહાદેવ ના દર્શન અને ભાવનગરના થાબડી પેંડાનો લાભ લેવામાં આવ્યો.

"વર્ગખંડ શિક્ષણની નવી તરાહ" કે.આર.પી.તાલીમ વર્ગ સુરત

જી.સી.ઇ.આર.ટી. ગાંધીનગર આયોજિત અને સુરત ડાયેટ ખાતે "વર્ગખંડ શિક્ષણની નવી તરાહ " વિષય પર  કે.આર.પી. તાલીમનું આયોજન તા.12.08.2019 થી 14.08.2019 સુધી દિન 3 (ત્રણ) માટે કરવામાં આવ્યું. જેમાં દરેક જિલ્લામાંથી ડાયેટ મારફતે પદ્ધતિ અને અભિગમના જાણકાર અને ઉત્સાહી શિક્ષક/મુખ્ય શિક્ષક/સી.આર.સી./બી.આર.સી. કો.ઓર્ડીનેટરની પસંદગી કરવામાં આવી હતી. સાથે ડાયેટ તરફથી એક ડાયેટ લેક્ચરરની પસંદગી કરવામાં આવી હતી. જેમાં પંચમહાલ જિલ્લા વતી ડાયેટ સિનિયર લેક્ચરર શ્રી બી.એમ.સોલંકી સાહેબ, ચાવડા કિરણસિંહ સી.આર.સી.કો.ઓ.તરખંડા, હાલોલ,  પટેલ કૌશિકકુમાર સી.આર.સી.કો. અંબાલી છાત્રાલય, ગોધરા, સિસોદિયા મહીરાજસિંહ સી.આર.સી.કો.ઓ. ગદૂકપુર, ગોધરા ના ઓએ હાજરી આપી હતી. જે માટે તા. 12.08.2019 ના રોજ હેડ્ક્વાટર થી મુસાફરી કરી રજિસ્ટ્રેશન સમયે અમે ડાયેટ સુરત પર પહોચ્યા. ત્યા રજિસ્ટ્રેશન અને સાંજનું સેશન ભોજન પૂર્ણ કરવામાં આવ્યું. ત્યારબાદ તા. 13.08.2019 ના રોજ આયોજન મુજબ સુરત સ્થિત મુનિ ઇન્ટરનેશનલ સ્કૂલ ખાતે 10.00 કલાકે હાજર થયા જ્યાં તે સ્કૂલ ખાતે ઉપયોગમાં લેવામાં આવતી વર્ગખંડની પદ્ધતિ અને અભિગમનો ખ્યાલ મેળવવો એ તાલીમનો મુખ્ય હેતુ હતો. પહેલા દિવસે અંગ્રેજી સંકલ્પના બાળકને સ્પષ્ટ કઇ રીતે કરાવવી અને વ્યવહારમાં કઇ રીતે લાવવી તે બાબતે માર્ગદર્શન આપવામાં આવ્યું. આ ઉપરાંત માનનીય શિક્ષણ સચિવ શ્રી ડૉ.વિનોદરાવ સાથે વિડિયો કોન્ફરન્સ દ્વારા ચર્ચા પણ કરવામાં આવી.

          બીજા દિવસના સેશનમાં અત્રેની શાળાની વર્ગ મુલાકાત અને તેમાં ઉપયોગમાં લેવાતી શિક્ષણ પદ્ધતિ વિશે નિદર્શન કરવામાં આવ્યું. જેમાં બાળકો શિક્ષણ પ્રક્રિયામાં ઉત્સાહથી ભાગ લેતા હતા અને નેતૃત્વ પણ કરતા હતા. આ દિવસે સચિવ શ્રી જી.સી.ઇ.આર.ટી. શ્રી બી.સી.સોલંકી સાહેબ દ્વારા નવી શિક્ષણ પદ્ધતિઓ અને અભિગમ  અનુસંધાને માર્ગદર્શન આપવામાં આવ્યું. આમ બે દિવસની તાલીમમાં અંગ્રેજી પાયાના શીખવવાના મુદ્દા અને વિષય / ભાષા વ્યવહાર પર લઇ જવાની બાબતોનું માર્ગદર્શન મેળવ્યું.  

SOFT MATERIAL CREATION WORKSHOP

GCERT ગાંધીનગર અને ડાયટ સંતરામપુર દ્વારા પ્રાથમિક શાળામાં ICT શિક્ષણ મળી રહે તે હેતુસર NCERT ના નવીન પાઠ્યપુસ્તક ધોરણ 4 પર્યાવરણ અને ધોરણ 6 સામાજિક વિજ્ઞાન વિષયનું સોફ્ટ મટેરિયલ ડેવલોપમેન્ટ અંતર્ગત એક વર્કશોપનું આયોજન કરવામાં આવ્યું. જેમાં તા.30.07.2019 થી 31.07.2019 સુધી દિન 2 માટે ગોધરા અંબાલી છત્રાલય ( બી.આર.સી. ભવન )  ખાતે આયોજન કરવામાં આવ્યું. જેનું સફળ સંચાલન ડાયટ સંતરામપુર સિનિયર લેક્ચરર શ્રી બી.એમ.સોલંકી સાહેબ દ્વારા કરવામાં આવ્યું. 

     આ તાલીમમાં તાલુકા દીઠ કમ્પ્યૂટર ના જાણકાર શિક્ષક અને સી.આર.સી. કો.ઓ. તેમજ વિષય જાણકાર શિક્ષકોને હાજર રહેવા હુકમ કરવામાં આવેલ હતા. જેમાંં સૌપ્રથમ વિષય જાણકાર શિક્ષકોની મદદથી હાર્ડકોપીમાં મટિરિયલ તૈયાર કરવામાં આવ્યુંં અને ત્યારબાદ કમ્પ્યૂટર જાણકાર સી.આર.સી.કો.ઓ. કે શિક્ષક મારફતે તેને વિડિયો, પ્રેઝન્ટેશન કે અન્ય રીતે સોફ્ટ્કોપી તૈયાર કરવામાં આવ્યું અને તેનું નિદર્શન જે તે તાલુકાની ટીમ દ્વારા તાલીમ વર્ગમાં કરવામાં આવ્યું. વર્કશોપમાં દર્શાવેલ વિષય અને ધોરણ મુજબ સોફ્ટ મટેરિયલ તૈયાર કરી આગામી દિવસોમાંં યોજાનાર  સદર વિષયોની શિક્ષક તાલીમમાં તેનો ઉપયોગ થનાર છે.   

TRAINING OF TEACHERS IN COMPUTER EDUCATION

તા. 25.07.2019 થી ત.27.07.2019 સુધી દિન ત્રણ માટે ORACLE કંપનીના અને ડૉ.વિક્રમ સારાભાઇ સારાભાઇ કમ્યુનિટી સાયન્સ સેન્ટરના માધ્યમથી  અને જી.સી.ઇ.આર.ટી. સંંલગ્ન અને ડાયટ સંતરામપુર મારફત આયોજિત તાલીમનું આયોજન શ્રી એમ જી શાહ હાઇસ્કૂલ,કાંંકણપુર ખાતે કરવામાં આવ્યુ. જેમાં ડૉ.વિક્રમ સારાભાઇ કમ્યુનિટી સાયન્સ સેન્ટરમાંથી આવેલ તજજ્ઞશ્રીઓ દ્વારા ઓપનસોર્સ સોફ્ટવેર જે, કે TUX PAINT, SCRATCH 2, TURTLE ART, SPREADSHEET વિશે પ્રાયોગિક સમજ અને માર્ગદર્શન આપવામાં આવ્યું.

તેમજ તેનો શિક્ષણમાંં ઉપયોગ થઇ શકે છે તેની માહિતી અને માર્ગદર્શન આપવમાં આવ્યું. ડાયટ સિનયર લેક્ચરર શ્રી બી.એમ.સોલંકી સાહેબ દ્વારા  તાલીમનું સફળ સંચાલન કરવામાં આવ્યું.

ICT TRAINING-PANCHMAHAL

                 તા.07-02-2019 અને તા.08-02-2019 ના રોજ બી.આર.સી.ભવન ગોધરા (અંબાલી છાત્રાલય) ખાતે બે દિવસીય ICT TEACHERS TRAINING-2019 નું આયોજન કરવામાં આવ્યું.
 જેમાં ડાયેટ સંતરામપુરના સિનિયર લેક્ચરર શ્રી બી.એમ.સોલંકી સાહેબના માર્ગદર્શન હેઠળ અને 13 માસ્ટર ટ્રેનર્સને ફાળવેલ ટ્રેનિંગ સેશન સાથે 120 તાલીમાર્થીઓને તાલીમ આપવામાં આવી.ફાળવેલ ટાઇમ ટેબલ મુજબ તાલીમની શરૂઆત કરવામાં આવી.

 સૌ પ્રથમ સંતરામપુર જિલ્લા શિક્ષણ અને તાલીમ ભવનના સિનિયર લેક્ચરર શ્રી બી.એમ.સોલંકી સાહેબ દ્વારા તાલીમ આયોજન અને સંકલ્પના તેમજ શાળા અને વર્ગ સુધી આઇ.સી.ટી.નો ઉપયોગ અને મહત્વ વિશે સમજ આપવામાં આવી. 

સદર બે દિવસ દરમિયાન આ  ટાઇમ ટેબલ ઉપરાંત બારીઆ ઇશ્વરસિંહ દ્વારા ઇન્ટરેક્ટિવ એચ.ટી.એમ.એલ. પેજ મારફતે શૈક્ષણિક રમત, વિઠ્ઠલભાઇ પટેલ દ્વારા કાઇન માસ્ટર વિડિયો એડિટિંગ એપ્લીકેશન, એન.સી.ઇ.આર.ટી. બેઝ્ડ નવા અભ્યાસક્રમ (ગણિત વિજ્ઞાન ધોરણ-7-8) ના જ્ઞાનકુંજ પ્રોજેક્ટ આધારિત વિડિયો સોફ્ટવેર, અમીતકુમાર પટેલ દ્વારા યુ-ટ્યુબ ચેનલ અને વિડિયો અપલોડ કરવાની પદ્ધતિ, કિરણસિંહ ચાવડા દ્વારા જી.સી.ઇ.આર.ટી ડિજિટલ ડેસ્ક, ગુગલ મેપ લોકેશન એડિટિંગ અને ઇન્ટરનેટ ઉપયોગ દરમિયાન રાખવાની સાવચેતી વિશે તાલીમ આપવામાં આવી.

 તાલીમમાં ઉપસ્થિત સર્વે તાલીમાર્થી અને તજજ્ઞો દ્વારા પોતાના લેપટોપ અને મોબાઇલ મારફતે તાલીમ સ્થળે પ્રેક્ટિકલ દ્વારા શૈક્ષણિક મોબાઇલ એપ્લીકેશન અને શૈક્ષણિક કમ્પ્યૂટર સોફ્ટવેર નો લાભ લીધો. અને મુશ્કેલીનું નિવારણ પ્રશ્ન ચર્ચા દ્વારા મેળવ્યું. અંતે બે દિવસની તાલીમ બાદ અંતે ગુગલ ફોર્મ મારફ્તે તાલીમના અભિપ્રાય પણ લેવામાં આવ્યા. આમ નવીન સંકલ્પના સાથેની ટેકનોલોજી જ્ઞાનની તાલીમ આકર્ષક વિષવસ્તુ, પ્રેક્ટિકલ જ્ઞાન, સુંદર રિફ્રેશમેન્ટ વ્યવસ્થા સાથે પૂર્ણ કરવામાં આવી.

નિદાન કસોટી તાલીમ

                    આજ રોજ તરખંડા સી.આર.સી. ખાતે જીસીઇઆરટી અને શિક્ષણવિભાગ આયોજિત ધોરણ-2 નિદાન કસોટી લેવાની હોય તે બાબતની ટેલીકોન્ફરન્સ આધારિત તાલીમ યોજવામાં આવી. 

                    આ તાલીમમાં સી.આર.સી. સમાવિષ્ટ 12 શાળાઓના ધોરણ ૩ માં ગણિત અને ગુજરાતી ભણાવતા વિષયશિક્ષકો હાજર રહ્યા. આ સાથી મુખ્ય શિક્ષક બેઠકનું આયોજન પણ કરવામાં આવેલ હતું. તાલીમ દરમિયાન બાયસેગ સ્ટુડિયોમાં હાજર શ્રી હરેશભાઇ ચૌધરી સાહેબ (અભ્યાસક્રમ કો.ઓ. જીસીઇઆરટી) દ્વારા નિદાન કસોટી સંંકલ્પના વિશે અને મહત્વ વિશે સમજ અને માર્ગદર્શન આપ્યું. ૩૧.૦૧.૨૦૧૯ અને ૦૧.૦૨.૨૦૧૯ દરમિયાન લેવાનાર કસોટી ની સંપૂર્ણ રૂપરેખા અને પૂરા દિવસની કરવાની થતી કામગીરી અંગે માર્ગદર્શન આપ્યું. ત્યારબાદ  સચિવ શ્રી વિનોદ રાવ સાહેબ દ્વારા વિવિધ ઉદાહરણ સાથે નિદાન અને ઉપચાર તેમજ ઝડપી શીખતા બાળકો અને ધીમી ગતિએ શીખતા બાળકો વિશે અને બાળકોની ક્ષમતા વિશે સચોટ માર્ગદર્શન આપવામાં આવ્યું. ફાઉન્ડેશનલ લર્નિંગ પર ભાર મૂકવા માટે જણાવ્યું. સાથે વાંચન -લેખન-ગણન કૌશલ્યોની ખીલવણી કરવા અને સાચી નિદાન પ્રકૃયા વિશે સમજ આપી.  

                     માનનીય શિક્ષણમંત્રીશ્રી ભૂપેન્દ્રસિંહ ચુડાસમા સાહેબ દ્વારા શિક્ષણ વિભાગ અને ગુજરાત શિક્ષણની સ્થિતી અને કરવામાં આવતા વિવિધ પ્રયત્નો વિશે ચર્ચા કરવામાં આવી સાથે હજુ આગળ વધવા અને સુધારાત્મક કામગીરી બતાવવા માટે બનતા પ્રયત્નો કરવા હાકલ કરવામાં આવી.  રાજ્યકક્ષાના મંત્રીશ્રી વિભાવરીબેન દ્વારા માનનીય વડાપ્રધાનના પરીક્ષા પે ચર્ચા ૨.૦ કાર્યક્રમના અંશોની યાદ કરી વિવિધ રીતે માર્ગદર્શન આપવામાં આવ્યું. નિદાન અને ઉપચારની ખરી રીતો વિશે માર્ગદર્શન આપ્યું.  સ્ટેટ પ્રોજેક્ટ ડાયરેક્ટર શ્રી પી ભારતી મેડમ દ્વારા શિક્ષણમાં ચાલતા વિવિધ સુધારાત્મક કાર્યક્રમો અને યોજનાઓ વિ સમજ આપી શાળા કક્ષાએ અને ગુજરાત શિક્ષણ ટીમ સાથે સંકલનમાં રહી  કામગીરી કરવા સૂચન અને માર્ગદર્શન કર્યું.  ઉપરાંત એમ.આઇ.એસ એસ.એસ.એ. આસીફભાઇ દ્વારા નિદાન કસોતી બાદની ઓનલાઇન ડેટા એન્ટ્રી પ્રક્રિયાની સમજ આપવામાં આવી. અંતમાં વોટ્સએપ માધ્યયમથી મૂંંઝવતા પ્રશ્નો મેળવી તેનો સંતોષકરક પ્રત્યુતર પણ આપવામાં આવ્યો. આમ ૧૧.૦૦ થી ૧૩.૦૦ સુધીની બાયસેગ મારફતે તાલીમ પૂર્ણ કરવામાંં આવી.    

પ્રજ્ઞા તાલીમ

               

પંચમહાલ જિલ્લાના હાલોલ બી.આર.સી. સમાવિષ્ટ તરખંડાા સી.આર.સી. ખાતે જી.સી.ઇ.આર.ટી. પ્રેરિત અને જિલ્લા શિક્ષણ અને તાલીમ ભવન સંતરામપુરના માર્ગદર્શન હેઠળ પ્રજ્ઞા શિક્ષકો માટે અભિગમ આધારિત તાલીમનું આયોજન કરવામાં આવ્યું. તાલીમનો મુખ્ય હાર્દ અભિગમ અંગેની સ્પષ્ટતા અને તે મુજબની કાર્યપ્રણાલી હતો.

               બી.આર.સી. ભવન હાલોલ તરફથી તાલીમ વર્ગોની ફાળવણી કરવામાં આવી. જેમાં ત્રણ તબક્કામાં તાલીમનું આયોજન કરવામાં આવ્યું. જેમાં હાલોલ ખાતે ફતેપુરી,તરખંડા,રામેશરા, જેપુરા, મોટા ચાડવા ખાતે તાલીમ સ્થળ નક્કી કરવામાં આવ્યા. અને તાલીમ એક્સપોઝર (તાલુકાની શ્રેષ્ઠ પ્રજ્ઞા શાળા તરીકે તરખંડા, નાના જેપુરા, રામેશરા, ફતેપુરી, મોટા ચાડવા) શાળા ખાતે પસંદગી કરવામાં આવી. 

પ્રથમ તબક્કો      તા.17.01.2019 થી 18.01.2019   તરખંડા સી.આર સી.

બીજો તબક્કો      તા.21.01.2019  થી 22.01.2019    તરખંડા સી.આર સી.

ત્રીજો તબક્કો      તા.23.01.2019  થી  24.01.2019   રામેશરા સી.આર સી.

જેમાં મારી ભૂમિકા એક પ્રજ્ઞા અભિગમ તાલીમ ના માસ્ટર ટ્રેનર અને વર્ગનિયામક તરીકેની હતી. જેમાં સી.આર.સી. કો.ઓ. ઘનસરમુવાડી શ્રી જે.ડી.પુવાર સાથે રહીને તરખંડા ખાતેના બે તબક્કાની તાલીમ આપી. ત્યારબાદ ત્રીજા તબક્કામાં રામેશરા ખાતે રામેશરા સી.આર.સી.કો.ઓ.શ્રી કૌશિકભાઇ ભાભોર(વર્ગ નિયામક) સાથે મારા સાથી મિત્ર શ્રી રાજેશકુમાર કે બારીઆ માસ્ટર ટ્રેનર અને સી.આર.સી.કો.ઓ.વાંકડીયા સાથે રહી તાલીમ ફરજ અદા કરી.

               તાલીમ અંતર્ગત જિલ્લા શિક્ષણ અને તાલીમ ભવન સંતરામપુરના સિનિયર લેક્ચરર અને હાલોલ તાલુકા લાયઝન ઓફિસર શ્રી બી.અએમ.સોલંકી સાહેબનો ખૂબજ અને હકારાત્મક સપોર્ટ રહ્યો. તેમણે પૂરો સમય હાજરી આપી. જરૂરી માર્ગદર્શન અને માહિતી આપી. સાથે હાલોલ બી.આર.સે. કો.ઓ.શ્રી ઝેડ.એલ.પીરજાદા સાહેબની પૂરા સમયની મુલાકતો દ્વારા જરૂરી માર્ગદર્શન પૂરું પાડતા રહ્યા. 

                પ્રથમ તબક્કામાં 22 બીજા તબક્કામાં 38 અને ત્રીજા તબક્કામાં 24 જેટલા પ્રજ્ઞા શિક્ષકોએ તાલીમ લીધી અને પોતાના તાલીમ અને તજજ્ઞો અંગેના હકારાત્મક અભિપ્રાયો પણ આપ્યા. તાલીમ દરમિયાન પ્રજ્ઞા વર્ગની મુલાકાત લેવામાં આવી. અને તે આધારે જરૂરી ચર્ચા પણ કરવામાં આવી.