બ્લોક રિસોર્સ સેન્ટર હાલોલ ખાતે તા. ૧૭/૧૨/૨૦૧૩ અને ૧૮/૧૨/૨૦૧૩ દરમિયાન બે દિવસની વિકલાંગ બાળકોના શિક્ષકોની તાલીમ યોજવામાં આવી. જેમાં હાલોલ તાલુકાની વિવિધ શાળાઓમાંથી ૫૬ જેટલા શિક્ષકોએ તાલીમ વર્ગમાં હાજરી આપી. અને આઇ.ઇ.ડી રિસોર્સ પર્સન્સ, હાલોલ દ્વારા વિકલાંગ બાળકોના વિકલાંગતાના પ્રકારો,વિકલાંગતા થવાના કારણો,સરકારી યોજનાઓ,પ્રમાણપત્રો,સાધન સહાય, વગેરે વિષે સહાય આપવામાં આવી.
આ ઉપરાંત બી.આર.સી. કો.ઓર્ડીનેટર, હાલોલ દ્વારા માર્ગદર્શન પૂરું પાડવામાં આવ્યું.તેમજ વર્ગકાર્ય દરમિયાન તાલીમમાં મળેલ સૂચન અને માર્ગદર્શનનો ઉપયોગ કરી ખાસ જરૂરિયાત ધરાવતા બાળકોને શિક્ષણ કાર્યમાં સામાન્ય બાળક સાથે સમાવેશ કરી આર.ટી.ઇ. ના ધ્યેયોને પાર પાડવા માટે હાકલ કરી હતી.
બીજા દિવસે બી.આર.સી. રિસોર્સ રૂમની મુલાકાત લેવામાં આવી જે દરમિયાન વિકલાંગ બાળકો માટેના વિવિધ સાધનો, તેનો ઉપયોગ, વિકલાંગ બાળકો માટેના શૈક્ષણિક સાહિત્ય અને પુસ્તકોનું પ્રદર્શન વગેરે દ્વારા સમજ આપવામાં આવી.તેમજ તાલીમ દરમિયાન તાલુકા કેળવણી નિરીક્ષક સાહેબની પરિચય મુલાકાત પણ ગોઠવવામાં આવી. જેમાં તા.કે.ની શ્રીએ માર્ગદર્શક સૂચન કર્યું.
photography by-manisha s jadav tarkhanda primary school
No comments:
Post a Comment